ලක්ෂ 60 ක් මූදේ..! රණතුංග මෝඩයන් ගෝල්ෆේස් මැද්දෑවේ හෙළුවෙන්..!!

මහජන මුදල් ලක්ෂ 60 ක් ගෙඩිය පිටින් මහ මුහුදේ ගිල්ලමින් සහ මිල කළ නොහැකි විශාල දේපොල විනාශයක් ගෝල්ෆේස් පිට්ටනියට සිදුකරමින් වරාය ඇමැති අර්ජුන රණතුංග සහ එහි සභාපති ධම්මික රණතුංග නමැති නීලකාස සහෝදර හොර දෙටුවන් දෙදෙනා අද ගෝල්ෆේස් පිට්ටනියේදී සිය ඇඳිවත් උනා නිරුවත් වූහ..

ඒ ලෝකයේ උසම නත්තල් ගස ගෝල්ෆේස් පිට්ටනියේ ඉදිකිරීමට ගොස් හොම්බ බිම ඇන ගැනීමෙනි.

ගිනස් වාර්තාවක් තැබීමට කියා පසුගිය අගෝස්තු 18 දා ලෝකයේ උසම නත්තල් ගස හැදීමට මුල් පස් පිඩැල්ල කපමින් අර්ජුන රණතුංග මාධ්‍යයට කීවේ “තමාට දෙවැනියා වෙන්න බැරි නිසා ලෝකයේ උසම නත්තල් ගහ හදන“ බවයි.

කිතුනුවන් බහුතර පිරිසක් ජීවත් වන ඇමරිකාව එංගලන්තය ඉතාලිය ප්‍රංශය ඕස්ට්‍රේලියාව කැනඩාව වැනි ධනවත් රටවල් වලට ලෝකයේ උසම නත්තල් ගස් හැදීමට අපට වඩා අපූරුවට හැකියාවක් තිබුනද එම රටවල් එවැනි ගොං වැඩක් කරන්නට නොයන්නේ නත්තල යනු කාගේවත් පම්පෝරිය අටවන උත්සවයක් නොව දුප්පතා වෙනුවෙන් ක්‍රියාත්මක වන ආගමික උත්සවයක් වන බැවිනි. ඒ රටවල පාලකයන් සහ සමාගම් නත්තල වෙනුවෙන් බොහෝ දෑ දුප්පතා වෙනුවෙන් නොමිලේ පරිත්‍යාග කරති. නැතිනම් මිල අඩුවෙන් ලබා දෙති. කොටින්ම කීවහොත් විස්කි පවා සිතා ගත නොහැකි තරම් අඩුවට දුප්පතාට ලබා දෙති. එය අපේ දන්සැල් ක්‍රමය වැනි ස්වේච්ඡා ව්‍යාපාරයකට එහා ගිය රාජ්‍ය සහ පෞද්ගලික ක්‍රමයේ දැනුවත් මැදිහත් වීමකි. ඒ කිසිවක් නොතකා ගානක් ගසා කෑමේ එකම අරමුණින් අර්ජුන රණතුංග නමැති දේශපාලන ගොං බිජ්ජා ලෝකයේ උසම නත්තල් ගස හැදීමට ගොස් ඇත්තේ අඩුම ගණනේ ලංකාවේ කිතුනු ප්‍රධානියා වන අති උතුම් කාදිනල් තුමාගේවත් උපදේශයක් අනුමැතියක් ආශිර්වාදයක් නොමැතිව බව හෙලි වූයේ ඊයේ කාදිනල් තුමන් මාධ්‍ය අමතා කරන ලද ප්‍රකාශයෙනි.

අති උතුම් මැල්කම් රංජිත් කාදිනල් හිමිපාණන් කියා සිටියේ මෙය නිෂ්ඵල ක්‍රියාවක් බවත් ආගම අතකොලුවක් කරගෙන ඇති බවත් මෙය දුර්පරීක්ෂාවක් බවත් ය. “ මම දන්නේ නැහැ මේක කව්ද කරන්නේ කියලා.. අමාත්‍යාංශයක් ගැන සඳහන් කරනවා. මේක අනවශ්‍ය වියදමක්. මේ වියදමින් අපට පුළුවන් කමක් තියෙනවා නම් කාට හරි දුප්පත් කෙනෙකුට ගෙයක් දොරක් හදලා දෙන්න. එක්කෝ ශිෂ්‍යත්වයක් ලබා දෙන්න. සම්පූර්ණ ගහ හදන්නේ නැතිව බාගයකින් නවත්තලා හරි ඉතුරු ටික හරි දිළිඳු අයට දෙන්න කියලා මං කියනවා. ඕනෙ නම් දිළිඳු අයට දෙන්න මේක මෙතැනින් නතර කළා කියලා බෝඩ් එකක් ඒක උඩ ගහන්න පුළුවන්“ කාදිනල් තුමන් කීහ.

කාදිනල් තුමා පවා එපා කියන අර්ජුනගේ ගිනස් වාර්තා තැබීමට ගිය නත්තල් ගස අද එතැනින් නතර කරන බව වරාය අමාත්‍යාංශයේ මංගල පී ගුණසේකර නමැත්තෙක් මාධ්‍ය හමුවක් තබා ප්‍රකාශ කෙළේය. ඔහු ප්‍රකාශ කර සිටියේ ලක්ෂ 120 කින් මෙය හැදීමට සැලසුම් කළ බවත් දැනට ලක්ෂ 60 ක් වියදම් කර ඇති බවත් ය. එනම් මහජන මුදල් ලක්ෂ 60 ක් ගෙඩිය පිටින් දැන් මහ මුහුදේ ගිල්වා තිබේ. (ගැලවිජ්ජාවට මොවුන් කියන්නේ මේවා පරිත්‍යාග මුදල් කියාය. නමුත් කිසිදු පාරදෘශ්‍ය භාවයක් නොමැති ය)

ඒ අනුව අර්ජුන රණතුංග සහ ධම්මික රණතුංග යන හොර දෙටුවන් දෙදෙනා ගෝල්ෆේස් පිට්ටනිය මැද අමු අමුවේ නිරුවත් වී තිබේ. ලජ්ජාවක් තිබේ නම් මුන් තනතුරු වලින් ඉල්ලා අස්විය යුතුය. නමුත් රණතුංග චෞර පවුලම ඇඳුම් අඳින්නේ ලජ්ජාවට නොව ඩෙංගු මදුරුවන්ගෙන් බේරීමට නිසා ගානක් නැතිවා විය යුතුය. මෙවැනි මෝඩ රිලව් දෙදෙනෙකුට රටක වරාය වැනි ආර්ථික මර්මස්ථානයක් බාර දුන් නායකයන්ට ද මේවා හොඳ පාඩම් ය. (ඔවුන් පාඩම් ඉගෙන ගන්නා විට රටට කෙළ වී හමාරය)

 

Lanka e news

Related posts:

Comments

comments