යහපාලනයෙන් මඩු රක්ෂිතය විනාසයි – පරිසරවේදී රවීන්ද්‍ර කාරියවසම්

යහපාලන ජාතික ආණ්ඩුවේ ඇමතිවරයෙක් මඩු රක්ෂිතය එළිපෙහෙලි කර තම ඡන්දදායකයන්ට බෙදාදීමේ ක්‍රියාදාමයක නිරත වෙමින් සිටින බව පරිසර හා සොබාදහම් අධ්‍යයන මධ්‍යස්ථානයේ සම්බන්ධීකාරක පරිසරවේදී රවීන්ද්‍ර කාරියවසම් මහතා පවසයි. වාණිජ්‍ය හා කර්මාන්ත අමාත්‍යවරයා වන රිෂාඩ් බදුර්දීන් විසින්
මේ වනවිට අක්කර 04 ක පමණ ප්‍රමාණයක් එළිපෙහෙළි කර තිබෙන බව ඒ මහතා වැඩිදුරටත් සඳහන් කරයි.
 කිසිදු පාරිසරික අනුමැතියකින් තොරව සිදුවන මෙම ක්‍රියාදාමයෙහි ප්‍රතිඵල මේ වනවිට ද ලැබී ඇති අතර රක්ෂිතය අසල ගම්මානවල ජනතාවගේ පානීය ජල මූලාශ්‍ර සිඳී යමින් පවතින බව සඳහන් කළ කාරියවසම් මහතා පෙන්වා දෙන්නේ මේ එළිකිරීම නිසා එම වනාන්තරයේ සිටින අලි ඇතුන් එළුවන්කුලම රක්ෂිතයට ඇතුළුවීමේ අවදානමක් පවතින බවයි.
 මෙම ප්‍රදේශය සංචාරක පුරවරයක් ලෙස සංවර්ධනය කිරීමේ ව්‍යාපෘතියක් ඇති බවත් මේ සිදුවන්නේ එහි මූලික පියවර වශයෙන් ප්‍රදේශය ජනාකීර්ණ තත්ත්වය දක්වා වර්ධනය කිරීම බවත් පරිසරවේදී රවීන්ද්‍ර කාරියවසම් මහතා ප්‍රකාශ කරයි. ඉන් පසු මේ හරහා ඉදිවීමට නියමිත ඉන්දියාව දක්වා දිවෙන අධිවේගී මාර්ගය හා සම්බන්ධ ව්‍යාපෘතියක් ලෙස මෙම සංචාරක ව්‍යාපෘතිය ක්‍රියාත්මක වීමට නියමිත බවත් ඒ හරහා මඩු රක්ෂිතය සම්පූර්ණයෙන් විනාශ වීමේ අවදානමක් ඇති බව ද ඒ මහතා පවසයි.

 

 

 

 

 

lankanewsweb

Comments

comments